Embedded Files
Þegar hægir á í ferðaþjónustu skiptir rekstur
meira máli en áður
Horfur í ferðaþjónustu benda til þess að hægja sé á vexti og í sumum tilvikum er gert ráð fyrir samdrætti í tekjum. Á sama tíma heldur kostnaður áfram að hækka og samkeppni eykst.
Við slíkar aðstæður skiptir þekking og reynsla í ferðaþjónustu meira máli en áður.
Upplifun gesta hefst í fyrstu samskiptum – í síma, í tölvupósti og í gegnum bókunarsíður eins og Booking og Expedia. Þar eru ákvarðanir teknar.
Ef svör tefjast eða upplýsingar eru óskýrar er líklegt að viðskiptavinurinn leiti annað. Samkeppnin er mikil.
Oft eru það litlir hlutir í daglegum rekstri, sem kalla ekki á mikla fjárfestingu, sem hafa mest áhrif á upplifun gesta. Að þekkja og skilja þarfir viðskiptavina er lykilatriði og hefur bein áhrif á tekjur.
Jákvæð upplifun af þjónustu hefur áhrif á bókanir, umsagnir og tekjur.
Á krefjandi tímum ráðast niðurstöður síður af ytri aðstæðum einum saman. Þær ráðast í auknum mæli af því hvernig reksturinn er stýrður og hvernig gestum er sinnt – frá fyrstu snertingu til loka dvalar.
Tekjur tapast í daglegum rekstri
Á tímum mikillar eftirspurnar getur rekstur gengið vel þrátt fyrir að ýmislegt sé ekki eins og best verður á kosið. Þegar hægir á markaðnum breytist þetta.
Tekjur tapast sjaldnast vegna einnar stórar ákvörðunar. Þær tapast frekar í litlum, endurteknum atriðum.
Ef fyrirspurnum er ekki svarað tímanlega eða svör eru óskýr hefur það bein áhrif á nýtingu og tekjur. Sama á við þegar upplýsingar eru ekki uppfærðar, verðstýring er ómarkviss eða yfirsýn yfir bókanir er takmörkuð.
Til að stýra rekstrinum þarf skýra yfirsýn yfir lykilmælikvarða:
ADR sýnir meðalverð seldra herbergja
RevPAR sýnir tekjur miðað við nýtingu
KPI gefa yfirsýn yfir árangur
Án þess að fylgjast með þessum þáttum er erfitt að sjá hvar tekjur tapast.
Það sem ekki er mælt og sett í samhengi við markmið skilar sjaldan árangri.
Ekki missa tökin í sumar
Sumarið í ferðaþjónustu er krefjandi tími þar sem álag eykst hratt. Með góðum undirbúningi má draga úr álagi og tryggja að reksturinn gangi eins og hann á að gera.
Fyrst þarf að fara yfir húsnæði og aðstöðu. Viðhald sem er sinnt tímanlega kemur í veg fyrir truflanir þegar mest á reynir.
Sölurásir og verð þurfa að vera í lagi. Skráningar, verðstýring og samræmd dagatöl skipta máli til að forðast mistök sem hafa áhrif á tekjur.
Starfsmannamál eru lykilatriði. Rétt mönnun, skýr verkaskipting og þjálfun gera það að verkum að reksturinn gengur betur þegar álagið eykst.
Skýrir verkferlar minnka óvissu og álag í daglegum rekstri.
Á háannatíma skiptir ekki máli að gera meira — heldur að hafa yfirsýn og stjórn.
Hjá Hótelstjóranum tryggjum við að reksturinn gangi snurðulaust þegar mest á reynir.
Page updated
Report abuse